愛分享，心感動

星期日是生命熱線「愛.喜.行 慈善步行籌款2015」及「Hope寰宇希望長者希望日2015」，兩個活動都是我們一家十分支持的，所以今年我出席生命熱線活動協助義賣攤位及照顧代表Yes-Presents 的Bloggers，沛沛和沛爸出席Hope活動探訪老人家。

當晚，睡前故事時間，與沛沛睡在床上分享做小小義工探訪老人家的情況和感受....

沛媽:「沛沛，你今日探老友記覺得點呀?」

沛沛:「好開心呀!探左幾個婆婆呀!」

沛媽:「係呀，做義工探老人家好開心呀。你分享下婆婆d故事俾我聽呀!」

沛沛:「好呀!婆婆自己住，老公死左喇，佢朝早自己去買餸，之前入過醫院，一個仔女住北京，一個仔女住廣州......」(佢應該都真係有聽婆婆講故事😘，好長呀!省去中間對話!😁)

沛媽:「你聽左好多故事喎!多謝你同我分享。見到你地d相，都覺得你地好開心。」

沛沛:「爸爸話d相唔可以隨便公開分享俾人睇㗎，因為要尊重老人家嘅私隱，你唔好放d相上網俾人睇喎。」

沛媽:「係呀!你都知道“尊重”呢個道理，真係好呀!」

沛沛:「婆婆話我地去探佢，佢好開心呀。」

沛媽:「係呀!咁你聽到婆婆咁講，你覺得點呀?」

沛沛:「我覺得好“感動”呀!」

聽到沛沛説「感動」、「尊重」，我也感動起來了。當媽媽的，知道自己4歲的女兒從探訪長者的義務工作中，體驗到「分享愛和感受愛的感動」，那份感動是那麼的難以形容。

給孩子整合生活體驗，讓「愛」鞏固在心裏!