謝謝你們的愛…溶化了我一天的糟糕

今天事事不順，是十分糟糕的日子！
就好像100件事當中，有99件事都壞透了，餘下的1件好事，是感受到沛沛和沛爸的愛！



中午在巴士上沛媽: 沛沛，媽媽好唔舒服！
沛沛: 係呀？！
沛媽: 係呀，好暈，好想嘔呀！
沛沛: 我唔想你咁呀，我照顧你啦！
（沛沛緊緊的抱著了我，然後在囗袋裡拿了一張紙巾給我！）
沛媽: 多謝你呀！
沛沛: 我等陣幫你拉行理呀！
沛媽: 唔該你呀！

下車行了好一段路和樓梯，將沛沛交給朋友照顧，獨個兒工作去，在車上嘔了，下車再嘔了，繼續堅持工作到完成，真的好不容易！

晚上回到家中
沛媽:媽媽今日好唔開心，做野做得唔好，好想喊呀！
(眼淚忍不住流下來了）
沛沛:媽媽辛苦你喇！
沛媽:係呀！今日真係好辛苦呀！
沛沛:我攞紙巾幫你抹眼淚呀！
(沛沛立即拿來紙巾，輕輕的在我臉上印去淚水。）
沛媽:唔該你呀！
沛沛:攬下你呀，我地攬下會好啲架！
(眼淚停不了，感動得說不出聲！我們好好的抱在一起。）
沛沛:有無好啲？
沛媽:好好多啦！多謝你！
（沛沛滿臉笑容看著我）
沛沛:咁就好啦！媽媽辛苦哂你！我鍚返你！

同樣辛苦沛爸下班後到朋友家接沛沛回來，還準備晚餐，幫沛沛洗澡！
謝謝你們的愛和照顧！
把我一天的糟糕也溶化了！

~~~~~

想知道更多我們的消息，請like 寶寶湊寶寶 Facebook Fan Page!

~~~~~