多謝煤氣烹飪中心係暑假嘅時候，
邀請左沛沛參加烹飪班，
跟Jackeline姐姐煮大餐，
同其他小朋友一齊整「珍寶親子丼」
烹飪班係銅鑼灣煤氣烹飪中心 Towngas Cooking Centre 上堂
地址：香港銅鑼灣波斯富街99號利舞臺廣場9A
查詢熱線：2576 1535
辦公時間 :
星期一至五 上午9:00 - 晚上9:00
星期六及日上午 上午9:00 - 下午6:00
(公眾假期除外)
查詢熱線：2576 1535
辦公時間 :
星期一至五 上午9:00 - 晚上9:00
星期六及日上午 上午9:00 - 下午6:00
(公眾假期除外)
門口出面有個假廚房，
個個小朋友見到都要玩一陣。
沛沛好心急咁同其他小朋友係課室（小朋友廚房仔）門外面到等。
牆身透明玻璃設計，家長可以見到小朋友上堂情況，
入面工作枱同洗手盤嘅設計都係好合適小朋友嘅高度。
而且環境、用具都好COLOURFUL！
8個小朋友一齊上堂
每個小朋友都有一個自己個位，好COLOURFUL嘅砧板，好COLOURFUL嘅刀。
材料已經準備好，放晒係枱面。
沛沛楝好左自己個位，放好個書包係櫃桶。
佢周圍係咁望，好心急咁呀！
其實沛沛係超級開心，不過佢個樣睇唔出佢個開心心情！
？？點解？？
其實係因為沛沛整親個咀，笑唔到，食唔到，好似好SAD咁！！
之後，大家都排隊去洗手。
！煮野食最緊要乾淨！
呢把小朋友刀，好靚！
「珍寶親子丼」嘅主要材料有雞同雞蛋
以前成日係電視見到Jackeline姐姐做兒童節目主持人，
今次同沛沛一齊見到Jackeline姐姐真人，
佢好NICE，好照顧小朋友，幫小朋友綁圍裙。
開始上堂啦，個個都好比心機聽Jackeline姐姐講解。
一開始就已經考起沛沛啦！
～～切雞～～
但係點切都切唔到，點好呢？？
哈哈
好在有職員幫手
之後又用兒童剪刀剪下塊雞
沛沛都剪到幾下
～～好在有Jackeline姐姐幫手～～
切完雞之後，要洗洗手再繼續啦！
Jackeline會照顧每個小朋友，逐個幫佢地，好細心！
就算佢好專注咁幫緊沛沛，佢都可以應到其他7個小朋友。
而且我好欣賞佢回應孩子嘅說話係十分之「兒童為本」，好識肯定孩子嘅表現同長處。
Jackeline完全可以引導小朋友自動自覺做到好行為，守規、自理。
我無諗過一個烹飪班嘅導師可以咁了解兒童心理。
我絕對認為小朋友跟Jackeline姐姐上烹飪班學嘅一定唔指係學煮野食嘅技巧，
佢仲會教小朋友互相欣賞同專重。
係時候同D雞調味啦！
之後將D雞放入焗盤啦！
睇住小朋友切D雞，又大又好細，有深有淺色，好好笑！
不過係佢地自己整嘅，咩形狀都係靚，哈哈！
職員幫小朋友將D雞放入焗爐
沛沛第一次切洋蔥
沛沛個樣超肉緊，超好笑！
大件事啦！洋蔥汁彈到隻眼！
Jackeline 姐姐好細心，立即幫沛沛抹眼睛。
沛沛繼續切洋蔥
第一次切嘅洋蔥製成品
之後職員再將洋蔥同D雞一齊焗下
雖然因為特別安排之下，我係課室入面影相，
但係沛沛完全好似睇我唔到，有咩事都無搵我。
～真你好～
沛沛第一次自己一個人打蛋
成功左！
（不過唔知有無雞蛋殼～～）
好沉醉咁
.jpg)
大家嘅製成品
之後大家學用量柸，量度雞湯。
大家仲有機會學洗米
個個小朋友都可以輪流洗米
Jackeline姊姊示範用明火煲飯
係時候煮雞啦
Jackeline教到個個小朋友都好乖乖，雙手放後等候。
大家知道個鑊好熱，好危險，要好專心聽Jackeline姊姊講點做。
Jackeline姊姊煮到咁上下，小朋友可以逐個輪流試下加蛋汁同煮下。
沛沛第一次煮，好認真呀！
！好似好好味呀！
上堂上左差唔多2個鐘，沛沛同其他小朋友都好專心上堂。
宜家可以休息一下，飲下果汁，等食自己整嘅「珍寶親子丼」。
呢個時候，其他家長都可以入嚟陪小朋友等開餐啦！
自己有份洗嘅白飯，應該特別香。
再加D紫菜
睇落色香味俱全
祈禱先
！可以試食啦！
我都食左幾啖，D雞好入味，軟棉棉。
沛沛食得好滿足
每個小朋友都帶一個餐盒，帶走自己用心烹調嘅食物返屋企。
沛沛話要留俾DADDY食呀！
！落堂啦！
～沛沛攞住證書同Jackeline姊姊影張相留念先～
.jpg)
沛沛好喜歡上Jackeline姊姊嘅烹飪班，
成日仲問我幾時可以再去。
其實唔係小朋友先喜歡Jackeline姊姊，我都好喜歡Jackeline姊姊。
因為佢唔只教烹飪，其實係佢嘅言行好睇到佢好有愛心，
而且好有耐性，好鼓勵小朋友問問題。
成堂不斷聽到Jackeline姊姊講好多好正面嘅說話，
「慢慢」
「唔緊要」
「做得好好」
「我嚟幫你」
「唔該你」
⋯⋯
Jackeline姊姊對職員都好有禮貌，好欣賞佢。
沛沛除左學識整「珍寶親子丼」，更加學到守規有禮，互相分享，
對學習新事物，充滿信心同興趣。
所以Jackeline姊姊係好好嘅幼兒教育工作者。
～～～～～～～～～～～～～～～～～～～～～～～～～～～～～～～～～～～～
煤氣烹飪中心定期舉辦好多唔同合適小朋友嘅烹飪班同親子烹飪班，
～好值得推介俾大家～
“煮。為生活打氣”系列推出 “炒飯”烹飪班
歡迎1人或親子(1位成人和一位6-11歲小朋友一同參加)
靚靚媽咪Candace Ku得意便當班
(歡迎一名成年學員帶同一名3-6歲小朋友一起參與)
沒有留言:
張貼留言