米奇老鼠英文字母印仔

我地係7-11發現左一盒米奇老鼠大楷英文字母印仔+8色印台，

都只係$69.9！

 

除左手6個字母，仲有4個其他款！

打開覺得有D大鑊，因為個印模未貼，

所以要同沛沛做配對再貼上去，

好在黏力好好，所以唔洗擔心貼唔實！

沛沛仲覺得好好玩！

沛沛自少超喜歡玩印仔，

可以自己玩成個鐘！

好多家長都會好怕俾小朋友玩印仔，怕佢地係屋企周圍印，

其實只要一開始brief清楚小朋友，

俾足夠空間佢地印，

就唔洗擔心，

沛沛都未有出現周圍印嘅情況！

睇下，D印仔都好精緻，十分好呀！

印仔不但可以訓練小手肌、前三指應用，

有助將來寫字做準備，仲可以學習力度控制；

印係格仔簿上面，可強化空間感，手眼協調訓練；

配合26個英文字母，更加可以變化好多小遊戲。

推介！