今日同沛沛一齊著 mini point kids 小不點童裝 Legging，
加件白色衫仔，
親子Look去教嬰兒按摩，
教左按摩咁耐，
今日係特別窩心嘅一日!
平時上堂，如果沛沛在場，
佢通常係訓低俾我做按摩手法示範。
今日佢好叻呀，
有段時間佢自己攞住個BB公仔坐係我旁邊同我一齊做示範，
做埋小老師，
幫忙準備、收拾物資，
切切實實母女檔教按摩!
其實上星期沛沛都有一齊去上堂，
不過因為之前一日拍完宣傳片太攰，
有d情緒，又興奮又忟憎，表現不及平時穩定。
經過檢討之後，
沛沛希望再做一次小老師，幫手一齊教班，
補返住媽媽個"金漆招牌"!
今日沛沛表現唔錯，
同時俾沛沛自己一個正面嘅經驗，
知道自己可以做到好行為，
係一個好孩子，對自己有信心去改過!
後來有家長分享，
話好開心我帶沛沛一齊去上堂，
可以知道我係按摩過程同沛沛嘅溝通方法同情況，
點樣尊重孩子嘅需要，回應孩子嘅感受!
窩心嘅係: 可以同沛沛一齊去分享按摩嘅好處同成果!
快樂嘅係: 可以好真實咁分享俾其他父母知道，
"教養孩子、愛孩子，不用花錢，而是可靠一把口和一雙手"!
沒有留言:
張貼留言