DIY幼兒專用曬衫架（學習自理）

回顧將會過去的2013年， 我在年頭的的時候，做了一份新年禮物給沛沛⋯⋯就是一個DIY幼兒專用曬衫架！！！

要小朋友學習自理其實唔困難，只要環境用具配合一下就OK！

我係JUSCO Living PLAZA買了一個原本用嚟掛垃圾袋嘅架（＄25），因為可以放係地下，好合適沛沛高度，又可以摺埋好方便。

之後用繩將衣夾綁上去個架上面，選擇衣夾要用唔太緊嘅，

如果小朋友成日都夾唔到就會無心機做。

當時只得兩歲幾嘅沛沛超like，

每次佢都好開心曬返自己啲底褲仔，毛巾仔…

幫手做家務嘅孩子特別可愛，好乖乖豬～～

其實佢地有份參與家中事務，佢地會好開心，

沛沛不斷講：「我大個女啦，幫手做家務，好叻呀！」

一齊曬衫，傾下計好開心，佢又可以玩下分類，訓練專注，

同D襪仔做下配對，又可以訓練前三指⋯⋯好處多多，花費少少～～

用上一年時間讓孩子學會一生受用的技巧，值！

～～有一天～～沛媽:天陰陰，唔好出去玩喇！

沛沛:係啦！落雨淋濕哂就慘！咁做咩好呀？

沛媽:一齊曬衫啦！

沛沛:咁我自己夾我d底褲仔啦！

~~~~~

想知道更多我們的消息，請like 寶寶湊寶寶 Facebook Fan Page!

~~~~~